O Concello de Lugo mostra o seu pesar polo falecemento de Jorge Chao López

O Alcalde de Lugo, José López Orozco, no nome do Concello de Lugo, desexa expresar o seu pesar polo pasamento de Jorge Chao López. O Alcalde manifesta as súas sentidas condolencias tanto á súa familia e achegados como os seus numerosos amigos e ós seus compañeiros do Partido Popular xa que, co seu falecemento, desaparece unha persoa moi querida e que traballou con entusiasmo pola cidade, especialmente no mundo do deporte.

López Orozco lamenta o falecemento de Jorge Chao López, que representou ós lucenses na Corporación local, da que foi membro entre os anos 1991 e 1995, período no que tivo a responsabilidade de dirixir a Concellería de Deportes e Xuventude.

O Alcalde de Lugo réndelle homenaxe neste momento a unha persoa que desenvolveu un importante labor público e que fixo moito polo mundo do deporte tanto durante o tempo que traballou no Concello como nas outras entidades nas que ocupou responsabilidades.