O Concello de Ferrol recibe a un grupo de estudantes de bacharelato de Santiago

Visita dos estudantes

O Concello de Ferrol recibiu esta mañá a visita de alumnos e alumnos do IES Rosalía de Castro de Santiago de Compostela. A voceira do Goberno Municipal de Ferrol, Martina Aneiros Barros, deu a benvida no Salón de Recepcións da Casa Consistorial aos 36 estudantes de 2º de Bacharelato que se desprazaron hoxe á cidade naval.

O alumnado do IES Rosalía de Castro de Santiago de Compostela tamén percorreu a zona nobre do Pazo Municipal de Ferrol onde puideron coñecer a historia do edificio así como o Salón de Plenos, e posteriormente visitaron o barrio histórico de A Magdalena e a praia de Doniños.

Ademais, durante a visita á Casa Consistorial ferrolá, os estudantes recibiron cadanseu agasallo que consistiu nun libro sobre Jorge Juan, e os dous profesores que os acompañaron cadanseu libro de “A Nosa Pintura”.