O Concello da Coruña recorrerá o peche da mostra ‘Smart City’

O Concello da Coruña recorrerá a decisión La Junta Electoral de Zona da Coruña de pechar a exposición ‘Showroom Coruña Smart City’ ata despois das eleccións municipais, segundo informaron fontes do goberno local, do PP. No seu escrito, a Xunta Electoral conclúe que “non se acreditou suficientemente por parte do Concello da Coruña que a realización desta campaña informativa, neste momento concreto, resulte imprescindible para a salvagarda do interese público ou para o correcto desenvolvemento dos servizos públicos”.

Nun comunicado, o PSOE, que presentou a denuncia, sostén que a Xunta Electoral “confirma o que en anteriores ocasións denunciou o PSOE respecto á campaña electoral encuberta que realiza Negreira dende hai unhas semanas”, sinala sobre o rexedor coruñés.

En concreto, indica que está a “aproveitar o cargo de alcalde, as institucións e os salóns do Concello para presentar, anunciar e prometer obras e proxectos que se executarán no próximo mandato”.