O Centro Municipal de Emprego de Ferrol acollerá en maio un obradoiro de informática básica para a búsqueda de emprego

A Concellería de Emprego do Concello de Ferrol, que dirixe Martina Aneiros Barros, mantén aberto o prazo de inscrición para o novo curso de “Informática básica para a busca de emprego”, que terá lugar o vindeiro mes de maio, en horario de mañá, no Centro Municipal de Emprego. Este taller terá unha duración de 50 horas e o prazo de inscrición estará aberto até o vindeiro mércores, día 29 de abril.

As persoas interesadas en participar neste obradoiro deberán presentar no propio Centro Municipal de Emprego, situado na rúa Sagrada Familia, a seguinte documentación: modelo de solicitude (que poderán descargar na páxina web: www.ferrol.es/emprego ou recoller no propio centro); copia da tarxeta de demandante de emprego; volante de empadroamento; e copia actualizada do curriculum vitae.