O Centro Dotacional de Torroso acollerá un taller sobre emprendemento o 16 de abril

O Concello de Mos organiza o taller “A incubadora de proxectos; cara o emprendemento desde a participación”. Trátase dun programa formativo promovido pola Dirección Xeral de Xuventude e Voluntariado da Xunta de Galicia que se levará a cabo o 16 de abril, de 17.00 horas a 19.00 horas no Centro Dotacional de Torroso.

Este obradoiro vai dirixido a tódolos mozos e mozas con iniciativa xuvenil emprendedora, e/ou que se plantexen o emprendemento como alternativa ou solución ó desemprego xuvenil, pero pode participar todo o público interesado en xeral; isto é, todas aquelas persoas interesadas na elaboración, ou asesoramento/información de proxectos emprendedores.

Dende Oficina de Información Xuvenil xunto con Formación e Emprego determinouse dar prioridade á mocidade do propio Concello con idades comprendidas entre 18 e  35 anos preferentemente empadroados Mos.

As persoas interesadas en participar nesta actividade deberán inscribirse no Rexistro Xeral do Concello de Mos, ou a través do correo electrónico: omix@concellomos.es. A folla de inscrición poderase recoller na OMIX, no Rexistro Xeral do Concello de Mos, ou ben  descargándoa da web do Concello: www.mos.es

O prazo de inscrición rematará o 15 de abril,  para elo será imprescindible presentar unha copia da solicitude asinada. O listado de asistentes constituirase por rigorosa orde de entrada da solicitude no Rexistro do Concello. O número máximo de persoas será de 18 e o mínimo será de 12. De non acadar o mínimo de participantes o taller suspenderase.