O alcalde de Ourense reitera a súa repulsa contra calquera manifestación violenta como a acontecida no Pleno

Ante os feitos acontecidos esta mañá durante o transcurso da sesión ordinaria do Pleno, que obrigaron a aprazar parte dos asuntos da orde do día -decidido por unanimidade polos voceiros e voceira dos grupos municipais-, o alcalde de Ourense Agustín Fernández reitera, como xa mencionou na sesión plenaria, a súa enérxica repulsa contra calquer tipo de manifestación violenta, en calquer ámbito.

Sen relación coa Banda Municipal de Música

Tanto a concelleira de Cultura, Ana Garrido, como o Presidente da Banda Municipal de Música, Francisco Javier Gómez Prieto, confirmaron esta mañá que o presento agresor “nin forma parte da Banda Municipal de Ourense, nin ten vencellamento de ningún tipo coa mesma”, polo que desminten rotundamente esta afirmación.