Máis de 4150 visitantes pasaron esta Semana Santa polo Faro Vilán de Camariñas
Máis de 4150 visitantes pasaron esta Semana Santa polo interior do Faro Vilán de Camariñas (e outros moitos imposibles de contabilizar en momentos de máxima afluencia) – case 800 máis respecto da Semana Santa do ano anterior. O venres superáronse as 1600 visitas, seguido polo xoves e o sábado que pasaron máis de 850 persoas cada día.
Máis do 60% dos visitante foron de Galicia, con case 2000 visitas da provincia da Coruña, seguidos de lonxe pola provincia de Pontevedra, Ourense e Lugo. Do resto de España, os madrileños foron os máis numerosos (máis de 400), seguidos de: Castela León, País Vasco, Castela a Mancha, Cataluña, Andalucía, Cantabria, Valencia e Asturias. Cabe sinalar que a maioría dos turistas estranxeiros procedían de Francia, Portugal e Sudamérica.