Live for Madness Metal Fest en Ourense

O Live for Madness Metal Fest, o festival metal por excelencia da cidade de Ourense está aquí de novo cargado de novidades moi importantes. Por primeira vez na historia celebrarase o evento nun recinto aberto, con máis aforamento e maiores prestacións. A nova localización do Madness 2015 é o Campo da Feira de Ourense, un espazo polivalente moderno con zona cuberta e áreas semiabiertas que ofrece importantes novidades respecto de edicións anteriores:  Área de descanso con mesas e bancos, permítese fumar en todo o recinto, amplo aparcadoiro e as instalacións propias dun espazo destas características, que permitirá gozar do espectáculo nunha contorna cómoda e totalmente resgardado de posibles inclemencias meteorolóxicas adversas. Ademais este novo emprazamento, próximo ao río Miño e ás turísticas termas da Chavasqueira, atópase perfectamente comunicado e próximo á estación de autobuses, á estación de tren e está a poucos minutos do centro da cidade de Ourense.

Tamén se modificou a data de celebración do festival. Esta nova edición do Live for Madness Metal Fest terá lugar o sábado 19 de setembro, e é outro dos cambios importantes do Madness 2015, que pasou de realizarse no inverno a pechar a tempada estival de festivais “metal” galegos, para así despedir o verán cunha gran festa.

E como non podía ser doutra forma, o recinto permitirá ofrecer novidades na configuración do espectáculo que está programado: 

Maior número de Bandas: Un total de 6 bandas elixidas entre máis de 240 que se inscribiron para participar nesta edición. Un cartel variado que se desvelará proximamente, con presenza de grupos locais e nacionais na liña habitual do festival. 

Un espectáculo ao grande: Escenario de maior tamaño, con máis watts de luces e son. 

Zona de merchan: Postos de venda con material oficial das bandas e do festival a prezos exclusivos.

Barra de bar e comida: Para recargar enerxías desde a apertura de portas ata que finalice o festival.

En resumo, un renovado Live for Madness Metal Fest no que se está traballando para facer desta 5ª edición unha das citas imprescindibles no calendario de festivais nacionais de música metal.