“La Pizzicata” recolle a acreditación como gañador da Ruta do Pincho da Lamprea do Miño

Entrega dos premios

Como broche final da “Ruta do Pincho da Lamprea do Miño 2015” celebrouse esta mañá na sala de plenos do Concello a entrega dos premios ós afortunados. Nela estiveron presentes Dna. Ana Karina Rodríguez e D. José Luis Morais ,viveiristas e organizadores, xunto co alcalde da Guarda, D. José Manuel Domínguez Freitas e Dna. Montserrat Magallanes Álvarez, Concelleira de Turismo.

No acto estiveron presentes os gañadores do sorteo, que con seus votos fixeron gañador o restaurante “La Pizzicata”.Manuel Alonso, propietario e cociñeiro do local, foi o encargado de recoller o diploma que o acredita como o mellor pincho da ruta do 2015.

Nesta edición da ruta estímase que se repartiron máis de 3.500 pinchos, o que amosa un aumento de máis de 1.000 respecto ó evento do ano anterior. Tanto a organización, coma os establecementos participantes nesta ruta, amosan a súa satisfacción e esperan darlle continuidade a este evento que ten por finalidade dar a coñecer a lamprea.