Gran éxito no primeiro día de Cidade do Futsal

Participantes no Cidade do Futsal

Primeiro día do Torneo ‘Cidade do Futsal’ e xa se pode afirmar que foi un rotundo éxito. Ao redor de 300 nenos participaron esta tarde nos partidos de clasificación das categorías prebenxamín e alevín que xogarán mañá, a partir das 12 h, as finais do Torneo.

Con todo, o número de visitantes ás instalacións de ‘A Cidade do Futsal’ durante todo o día de hoxe elévase até as 3000 persoas, que gozaron das actividades organizadas polo Santiago Futsal e Dynmic Event Sport, entre as que destacaron o ‘Chutódromo’, con premio dun reloxo cortesía de Reloxos Select, e os inchables cedidos por Multixogo do Multiusos Fontes do Sar.

O bo tempo durante o día de hoxe foi aliado para que o éxito de ‘A Cidade do Futsal’ fose aínda maior e que todos aqueles que se achegaron á Cidade da Cultura puidesen gozar do Torneo acompañados de sol e boa temperatura.

Mañá pola mañá será a quenda dos equipos de categoría benjamín, que a partir das 10h, disputarán os encontros de clasificación para as finais que se xogarán a partir das 12h.

A entrega de trofeos terá lugar mañá ás 14h. Asistirán a Concelleira de Deportes de Santiago de Compostela, Maria José Curral; o director de Viaqua, Xullo Masid; o presidente do Santiago Futsal Ramón García e os xogadores do Santiago Futsal.