Goberno de Vigo e colectivos valoran ideas sobre os programas municipais para maiores

Abel Caballero na reunión cos colectivos

Este martes na galería da Alcaldía, representantes de numerosos colectivos da cidade saudaron as iniciativas municipais en marcha e expuxeron ao alcalde e edís do goberno de Vigo as súas propostas de mellora dos programas do Concello dirixidos aos maiores. Entre os abordados, o servizo de axuda no fogar, a teleasistencia, os coidadores de barrio ou os cursos de avellentamento activo.

No transcurso da charla, colectivos e goberno de Vigo abordaron algúns dos principais programas municipais dirixidos aos maiores, estudaron o seu funcionamento e se plantexaron propostas de mellora, iniciativas como o Servizo de Axuda no Fogar (que atende a 800 persoas cun orzamento de 3 millóns de euros), o Xantar na Casa (con 120 beneficiarios e 80.000 euros de investimento), os 50 coidadores de barrio en distintas zonas da cidade (cun investimento municipal próximo ao millón de euros) e os 65 novos parques biosaudables.

Ademais, no encontro falóuse dos cursos municipais de avellentamento activo, do que se benefician 400 usuarios, e dos de alfabetización informática para maiores, con máis de 700 usuarios e enmarcado na prevención da dependencia. Representantes de colectivos de maiores e do goberno local repasaron tamén os cursos de natación, con 250 usuarios nas piscinas de Teis, Lavadores e As Travesas, e o cachibol, un deporte que practican uns 150 maiores en todas as parroquias de Vigo. Tamén abordaron a teleasistencia -sufragada integramente polo Concello con 100.000 euros-, o bonotaxi e o convenio de apoio ao centro de día, entre outras.