Ferrol dá a benvida á pasaxe e tripulación do cruceiro “Aidaluna” con 3.000 turistas a bordo

Rey Varela na benvida ao cruceiro

Rey Varela na benvida ao cruceiro

O alcalde de Ferrol, Jose Manuel Rey Varela, participou na xornada de hoxe no saúda de benvida á tripulación e pasaxe do trasatlántico “Aidaluna”, da compañía alemana Aida,que esta mañá facía escala no porto da cidade. O presidente da Autoridade Portuaria de Ferrol-San Cibrao, Jose Manuel Vilariño, acompañou ao primeiro edil da cidade na visita ao cruceiro onde foron recibidos polos responsables da tripulación. Unas 3.000 persoas –entre tripulación e pasaxeiros- chegaron vía marítima a Ferrol a bordo deste barco de pasaxe.

Segundo as previsións da Autoridade Portuaria de Ferrol-San Cibrao, en menos dun mes atracarán un total de catro buques de pasaxeiros que traerán a Ferrol máis de 10.000 cruceristas. Así, e tras o paso dos trasatlánticos alemáns “Aidacara” e “Aidaluna”, está previsto que o día 7 atraque o Saga Sapphire, da compañía británica Saga; e o día 25 de abril o MSC Splendida, de MSC.