Fernando Esteso presentará o sábado o concurso “Se ris é peor” nas Cancelas

As Cancelas celebra a súa Semana do Humor e para iso preparou un divertido concurso no que as risas están aseguradas. A 2ª Planta do centro comercial transformarase o sábado día 2 de Maio ás 20:00 h nun escenario de concurso ao máis puro estilo televisivo, no que os populares humoristas dos anos 90 Fernando Esteso, Félix El Gato e o Señor Barragán, celebrarán un combate humorístico ante os asistentes, facendo un tributo ao coñecido concurso de TVE “No te rías que es peor”.

A mecánica do xogo é moi sinxela: os participantes, que serán escollidos de forma aleatoria por Fernando Esteso a través de xogos e preguntas, deberán aguantar sen rirse durante polo menos dous minutos mentres o Señor Barragán e Félix El Gato contan os seus chistes.  O centro comercial entregará un total de 500 € en premios repartidos en 10 billetes de 50 € aos 10 gañadores que aguanten máis tempo sen rirse.