Extinguido o incendio forestal rexistrado en Ortigueira

A Consellería do Medio Rural e do Mar informa da extinción do lume forestal rexistrado no municipio coruñés de Ortigueira, na parroquia de Devesos. O lume iniciouse ás 21:15 horas de onte, domingo, e quedou extinguido ás 18:20 horas desta tarde. Segundo as últimas estimacións provisionais, a superficie afectada é de 50 hectáreas, das cales 42 son de monte raso e 8 arboradas. Nos labores de extinción traballaron 9 axentes forestais, 14 brigadas, 1 equipo do GES, 8 motobombas, 1 pa, 4 helicópteros e 1 avión.

A Consellería do Medio Rural e do Mar lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.