Comezan os traballos de colocación de céspede artificial no campo de fútbol da Trinidade
O Concello de Riveira informa do inicio dos labores para dotar a campo da Trinidade en Oleiros de céspede artificial. Cómpre lembrar que finais do pasado ano arrancou unha actuación dirixida a remodelar este recinto deportivo, de recente titularidade municipal, e ampliar as dimensións do terreo de xogo ata acadar 97 de longo (antes non alcanzaba os 90) por 55 de ancho (tiña 45).
Unha vez realizados estes traballos e os da instalación de drenaxe, chégase a un momento significativo coa instalación do céspede artificial sobre unha superficie de aglomerado asfáltico, un labor que durará aproximadamente unha semana.
A continuación o campo será equipado con rego automático, ademais de banderíns e portería regulamentaria.
A empresa Excavaciones Abelleira é a encargada de executar esta actuación, cuxo importe ascende a un total de 191.643,83 euros.