Ciudadanos Narón fai público o texto completo do seu programa electoral municipal

O texto completo do programa electoral que o partido Ciudadanos elaborou para presentarse ás eleccións municipais do 24 de maio, fíxose público mediante a súa difusión a través dos perfís oficiais dos candidatos e da agrupación en redes sociais. O programa ten como liñas mestras, a reactivación da economía mediante baixada de impostos e taxas, a reindustrialización, a participación cidadá, a loita contra a corrupción e a fusión dos municipios da área metropolitana da comarca de Ferrolterra.

Hugo Boo, candidato de Ciudadanos (C´s) á Alcaldía de Narón:  “O que presentamos é un programa para un cambio sensato, que nos permita cambialo todo, de forma responsable e en pouco tempo, un programa que nos permita devolverlle a ilusión ás persoas que viven nesta comarca, un programa que faga que os cidadáns volvan crer na política”