Ciclo de conferencias “Comunicando a Comunicación II” na Coruña

O ciclo de conferencias “Comunicando a Comunicación II” que se celebrará os días 9, 16, 23 e 29 de Abril de 2015 na Facultade de Economía e Empresa da Universidade da Coruña, contará coa presenza de reputados empresarios como: Silvia Lázaro de Ferrovial, Amalia Baltar de Gas Natural Fenosa, Cristina de la Vega do Centro Hospitalario Universitario da Coruña e Belén Rei de Inveravante. Neste xoves 9 de abril ás 19:00 horas, Silvia Lázaro Hernández de Ferrovial terá a oportunidade de expor ante os alumnos da Facultade de Economía e Empresa as experiencias de éxito no ámbito da actividade propia da Asociación de Directivos de Comunicación (DIRCOM). A finalidade deste ciclo é achegar o mundo académico á realidade empresarial, en xeral, e á Comunicación, en particular. Organizado por IMAXE, o Grupo de Investigación iMARKA, a Asociación de Directivos de Comunicación (DIRCOM), e o Departamento de Análise Económica e Administracion de Empresas da Facultade de Economía e Empresa da Universidade da Coruña.