Asomamos celebra o seu tradicional Certame de Corais Memorial Constante Lago

A Asociación de Maiores, Pensionistas e Xubilados de Mos, ASOMAMOS, organiza o V Certame de Corais Memorial Constante Lago, que se celebrará o domingo 31 de maio, ás 19.00 horas, no auditorio do Multiusos das Pozas, parroquia de Petelos.

Ademais da Coral Polifónica de ASOMAMOS, participarán neste encontro musical a Coral Polifónica da Cofradía de Pescadores San Martiño de O Grove, a Coral Polifónica de Baredo a Cela de Baiona, e a Coral Polifónica Municipal Illa de Arousa.

A entrada a este concerto é libre e de balde para todo o público asistente ata completar o aforamento.