As rúas Curros Enríquez e Celso Emilio Ferreiro cambiarán o sentido de circulación

A Policía Local de Nigrán informa que as rúas Curros Enríquez e Celso Emilio Ferreiro, situadas na contorna de acceso ao colexio Humberto Juanes, cambiarán o sentido de circulación. Se as condicións meteorolóxicas o permiten, a partir do próximo luns 4 de maio iniciarase o pintado dun novo carril de incorporación en Rosalía de Castro con Celso Emilio Ferreiro así como a nova sinalización destas dúas rúas, mellorando a seguridade viaria dos peóns na contorna do centro escolar.