Alumnas do David Buján de Sigrás exporán o seu traballo en Brasil

Alumnas do David Buján de Sigrás participaron na Exporecerca Jove de Barcelona, onde lograron o segundo posto na súa categoría (1º e 2º ESO) de entre os 20 traballos escollidos para asistir á feira. O premio consiste en ir  expor o seu traballo á Feira de Ciencia e Tecnoloxía a Pará (Brasil) en novembro de 2015. A pesar de estar afeitos a asistir a congresos rexionais e mesmo a nacionais ou internacionais, en ningún caso foran convidados, ata agora, a asistir a un encontro internacional fóra de España, por tanto é un fito para este instituto e para o concello.