A “Asociación Cultural Amigos do Acordeón Rías Baixas” ofrece un concerto no Auditorio Municipal de Ribadumia
A concellería de Cultura de Ribadumia propón para este fin de semana unha actuación da “Asociación Cultural Amigos do Acordeón Rías Baixas” integrada por máis de dez músicos da comarca.
A agrupación xurde por iniciativa de Pablo Dovalo co obxectivo de achegar este peculiar instrumento ós veciños da comarca. Dende o seu comezo este grupo de acordeonistas ten feito actuacións por diversas zonas de Galicia sempre coa ilusión e ganas de facer gozar ó público.
A actuación ten entrada libre e comezará ás 20:00 horas no Auditorio Municipal de Ribadumia.