Xunta, Deputación e Concello de Mondariz asinan un convenio para rehabilitar a biblioteca pública municipal por 222.403 euros

A Xunta de Goberno da Deputación aprobou un convenio entre a institución provincial, a Consellería de Educación e Cultura e o Concello de Mondariz para rehabilitar a biblioteca municipal de Mondariz por un importe de 222.403 euros. En virtude do convenio aprobado, a Consellería de Educación achegará 100.000 euros, a Deputación de Pontevedra 80.000 euros e o Concello 42.403 euros. As obras da biblioteca municipal de Mondariz, que leva sete anos pechada, consistirán na reforma, rehabilitación, conservación e mantemento do edificio, xa que o seu estado actual inhabilita o seu uso.