Uns 1.800 menores participarán nas II Xornadas de Cine en Educación e Valores

A Concellería de Educación do Concello de Ferrol, que dirixe Susana Martínez Galdós, organiza as II Xornadas de Cine en Educación e Valores dirixidas ao alumnado dos Centros de Educación Infantil e Primaria da cidade. Un total de 1.800 nenos e nenas de 11 centros de ensino de Ferrol participarán esta semana nas proxeccións de película que se desenvolverán no Teatro Jofre.

Esta proposta gratuíta, impulsada pola Concellería de Educación, dará comezo mañá martes e se prolongará até o venres día 6. Cada xornada de proxección estará composta de dúas quendas diferenciadas por idades e cursos. As películas seleccionadas conteñen valores sociais e culturais para os menores transmitíndolles valores tan importantes como a amizade, integración, igualdade, respecto, familia, medio ambiente…

Durante estas tres xornadas de cine, o alumnado de Infantil e Primaria poderá ver os seguintes films: “Los siete cabritillos y el lobo”, para os nenos e nenos de Infantil; “La gran aventura de los gnomos”, dirixida aos menores de 1º e 2º de Educación Primaria; “Carlitos y el campo de los sueños”, para 3º e 4º; e “El diario de Greg”, destinada aos mozos/as de 5º e 6º de Primaria.