Unha familia foi desaloxada a causa dun incendio na súa vivenda en Cedeira

Unha familia foi desaloxada na madrugada deste mércores debido a un incendio rexistrado no interior da súa vivenda en Cedeira (A Coruña), pero non houbo feridos.

Segundo informou o 112, os habitantes dunha vivenda situada na rúa Zumalacarregui, en Cedeira, tiveron que ser desaloxados a causa dun incendio que afectou á totalidade do inmoble.

Un salón resultou calcinado e, segundo as mesmas fontes, a intensa humareda chegou a afectar a toda a casa. Se ben se descoñecen as causas do lume, os propios afectados apuntaron a unha manta eléctrica como a orixe das lapas.

Ás 4,00 horas deste mércores foi un particular o que contactou co 112 Galicia para pedir axuda. O CAE 112 Galicia solicitou a intervención do GES de Ortigueira e Protección Civil de Cedeira que, unha vez no lugar, comprobaron que as lapas remitiran, pero había moito fume acumulado.

Debido a que a situación estaba controlada e o lume practicamente extinguido, os Bombeiros de Ferrol, que foran alertados polo CAE 112 Galicia, volveron á súa base. Tamén axentes da Guardia Civil participaron no operativo. Mentres, os afectados foron acollidos na casa duns familiares.