Un centenar de atletas gozaron da cuarta xornada do Xogatlon

Xogatlon

Celebrouse a cuarta xornada do Xogatlon, que patrocina o Instituto Municipal de Deportes, organiza a Sociedade Ximnástica e conta coa colaboración do CGTD e que está dirixida aos atletas da Escola Municipal de Atletismo e outras entidades e Centros Escolares de Pontevedra.

Nesta ocasión celebráronse as probas de lanzamento de martelo, salto de altura e 500 metros marchas. O tempo acompañou e un centenar de atletas gozaron nos 60 minutos que durou a competición.

Aínda que os monitores foron recollendo os rexistros dos atletas, o de menos foi o resultado final. O obxectivo de que os atletas vaian coñecendo as diferentes especialidades do deporte rei cumpriuse de sobra.

O próximo 28 de marzo disputarase a última xornada, na que se entregarán os premios a todos os participantes.