Tres vitorias parciais da Sociedade Ximnástica no Trofeo Reconquista

Celebrouse no Estadio de Balaídos de Vigo, a XXVIII edición do Trofeo Reconquista de atletismo cunha ampla presenza de atletas da Sociedade Ximnástica de Pontevedra, que conseguiron 6 postos de podio.

A pesar de que a maioría de atletas non empezarán a alcanzar as súas mellores prestacións ata o mes de maio, os atletas pontevedreses non o fixeron nada mal con 3 triunfos parciais a cargo das xóvenes, Emma Ramos impúxose no salto con pértega con 2,60; Rocío Rodríguez cun rexistro de 4:45,48, fíxoo nos 1.500 metros e Lucía Cardesín gañou os 1.500 metros obstáculos cadete con 6:06,56.

Alfonso Pérez Dávila, foi o único en cultivar un segundo posto no hectómetro con 11,44; Pablo Tojal foi terceiro na pértega masculina con 2,70 e pechou os postos de honra para a entidade pontevedresa, Andrea Pais con 12,79 no hectómetro feminino.