Sofre un infarto na Coruña cando circulaba cun autobús discrecional

Un home de 34 anos sufriu un infarto na Coruña cando circulaba cun autocar discrecional, á altura da rúa Newton, no que non ían pasaxeiros, segundo informou a Policía Local. O suceso produciuse sobre as 7,55 horas á altura da glorieta situada fronte a un supermercado na zona da Grela. Cando circulaba por esa zona, o condutor saíuse da vía tras sufrir un infarto.

O accidente causou danos nun farol e nos elementos dunha nave. Ao lugar, trasladáronse efectivos da Policía Local e unha ambulancia medicalizada do 061 que o trasladou con “carácter moi grave” ao Complexo Hospitalario Universitario A Coruña (Chuac) onde ingresou en parada cardíaca.