Seis atletas da Ximnástica participan no nacional de campo a través en Alcobendas

O domingo, a localidade madrileña de Alcobendas acolle o nacional de campo a través con 6 atletas da Ximnástica que correrán representando a Galicia. Jorge Puig tras a súa medalla de prata, a semana pasada no 1.500 do nacional júnior, competirá na devandita categoría. Rocío Rodríguez, Sara Márquez e Cristina González; participarán na carreira da categoría promesa feminina. Barca Toba sairá na carreira sénior feminina e Iván Docampo farao na sénior masculina.

Será complicado ver algún atleta da Ximnástica pelexando polas medallas individuais, pero axudarán a que Galicia poida subir ao podio na clasificación de Federacións Autonómicas.

Os atletas buscan os títulos de Campión de España representando o seu Club, coa única excepción do campo a través, no que representan a súa Federación Autonómica.