O Rio Natura Monbus Obradoiro prepárase para recibir ao Bilbao Basket

O Rio Natura Monbus Obradoiro prepárase para recibir en Sar a un dos equipos máis fortes na clasificación da tempada desta Liga Endesa, o Bilbao Basket (domingo 12 de abril, 18.00 horas). A cita ante os bilbaínos será o Partido do Federado, con descontos especiais para eles.

Con esta oferta, os federados do deporte da canastra e os seus familiares en primeiro grao poderán comprar entradas para o único partido xogado en Sar durante o mes de abril a 9 euros en Tribunas 2 e Fondos ou a 15 euros en Tribunas 1.

As entradas pódense adquirir desde xa con estes prezos tanto mediante a páxina web do club (www.obradoirocab.com), como en oficinas de luns a venres ou no despacho de billetes o día do partido. Nas portas de acceso o día do partido, poderase solicitar a documentación acreditativa de tal condición, tanto a ficha de federado como o libro de familia.

Por outra banda, estarán os habituais Prezos Reducidos, nesta ocasión, para abonados, menores de 18, estudantes menores de 25, parados de longa duración e maiores de 65. Estes colectivos teñen pases a 19 euros en Tribunas 2 e Fondos ou 25 euros en Tribunas 1.

Os demais prezos sen descontos son de 25 euros en Tribunas 2 e Fondos, 29 euros en Tribunas 1 e 35 euros en Tribunas Retráctiles.