O Rio Natura Monbus Obradoiro apúntase ao Crosscircuit

Os xogadores do Rio Natura Monbus Obradoiro, Keaton Nankivil, Maxi Kleber e Fran Cárdenas, foron tres dos invitados de luxo na inauguración da actividade Crosscircuit na zona de adestramento funcional do Multiusos Fontes do Sar.

Os xogadores completaron xunto con outros deportistas o novo programa de dez estaciones de exercicios que serven para traballar a musculación de todo o corpo, sempre baixo a atención dos monitores deportivos da zona. O persoal, ademais, usa habitualmente nos seus adestramentos este circuíto, válido para xerar maior coordinación, axilidade e rendemento físico.

O preparador físico do Rio Natura Monbus Obradoiro, Óscar Viana, asegura que “esta actividade é moi completa, tanto en forza como en resistencia, con adestramentos baseados nas necesidades da vida diaria e coa base do adestramento funcional. Ademais, é aplicable tanto a deportistas de elite como a calquera outro usuario das instalacións” , explicou o profesional.

Outros dos asistentes á apertura para abonados das instalacións Crosscircuit, foron o atleta Pedro Nimo, o ciclista Ezequiel Mosquera ou compoñentes do Santiago Futsal, S.D. Compostela, Arteal Tenis de Mesa, Club Juancho Sánchez ou Club de Atletismo Fontes do Sar.