O PP provincial de Lugo lamenta o falecemento de Francisco Cacharro

O Grupo provincial do Partido Popular de Lugo lamentou a morte do expresidente da Deputación lucense, Francisco Cacharro Pardo, e trasladou o seu pésame á familia. Nun comunicado remitido aos medios, o PP provincial lucense avanzou que solicitará que a súa figura sexa condecorada coas “máximas distincións” que poida outorgar a institución que presidiu dende 1983 ata 2007 en recoñecemento á súa traxectoria.

Francisco Cacharro Pardo faleceu a primeira hora deste domingo aos 78 anos de idade. O político lucense arrastraba problemas de saúde polos que permanecía ingresado no Hospital Polusa de Lugo.