O granito e a pesca conxelada son as principais mercadorías exportadas dende o porto de Vigo a Tánger

Unha delegación da Autoridade Portuaria de Vigo, encabezada polo seu Presidente, Ignacio López-Chaves, visitou o Porto de Tánxer. Un visita programada con motivo da participación da institución olívica estes días na IV edición do Encontro Empresarial Hispano-Marroquí de Transporte e Loxística, que tivo lugar en Tánxer (Marrocos) os días 4 e 5 de marzo.

Segundo destacou López-Chaves durante a súa visita, onde estivo acompañado por responsables da terminal marroquí, o tráfico comercial entre Vigo e Tánxer Med en 2014 superou as 2.300 toneladas de mercadoría contenerizada. Entre as principais mercadorías destes intercambios comerciais destaca especialmente a exportación de granito elaborado dende Vigo, así como de granito en bruto e de pesca conxelada.

Tanger Med é un porto de nova construción situado na vertente marroquí do estreito de Xibraltar, a 45 km da cidade de Tánxer (Marrocos) e a 20 km de Ceuta (España). Unha posición estratéxica, no punto da costa de Marrocos máis próximo á costa da Península Ibérica e en lugar de paso das rutas marítimas que unen Europa, África e América.

Rodeado por unha zona franca de actividades industriais e loxísticas, a súa construción comezou en 2004 e a primeira fase entrou en funcionamento en xullo de 2007. O porto foi creado na localidade de Oued Rmel, ao norte de Marrocos, debido á súa proximidade coa costa da Península Ibérica, así como pola súa situación privilexiada en pleno estreito de Xibraltar, por onde pasan as rutas marítimas que se internan no Mediterráneo. O estreito de Xibraltar é a segunda ruta marítima máis frecuentada do mundo, con 100.000 barcos por ano, algúns dos cales realizan as grandes rutas marítimas que unen América, Asia e Europa.

En 2014, o Porto de Tánger Med superou a barreira dos 3 millóns de colectores, o que supón un crecemento do 20% con respecto ao mesmo período do exercicio anterior. Con este rexistro, o porto supera a capacidade das súas dúas terminais de colectores, con 3 millóns de TEUs, polo que o crecemento reforza a estratexia en curso de ampliar esta capacidade ata os 8,2 millóns de colectores.