O Concello de Ferrol permite o uso gratuíto dos aparcamentos subterráneos do mercado central da Magdalena

O concelleiro de Economía e Facenda do Concello de Ferrol, Alejandro Langtry Caínzos, informou hoxe dos temas máis relevantes abordados na comisión informativa da Área desta mañá. Estes foron a suspensión do pagamento nos dous aparcadoiros municipais do Mercado da Magdalena; a remisión da contratación do prego para a concesión dos postos baleiros dos mercados de A Magdalena e Recimil; e a inspección da taxa pola ocupación de dominio público polas entidades prestadoras de servizos de interese xeral.

Langtry Caínzos destacou que a partir de mañá todos os usuarios dos aparcadoiros municipais do Mercado de A Magdalena quedarán exentos de pagamento. Esta medida responde a una petición dos hostaleiros, comerciantes, veciños e aboados deste servizo de estacionamento soterrado; e permitirá facilitar o estacionamento no centro da cidade sen necesidade de aboamento nos mesmos. Segundo explicou o edil de Economía e Facenda, esta medida estará en vigor mentres continúen as obras do colector de saneamento da ría ferrolá que se están a executar nas inmediacións destes aparcadoiros municipais, que están previsto que rematen en un mes ou mes e medio. “Queremos que se usen estes aparcadoiros e que non se colapsen os outros”, sentenciou o concelleiro ferrolán.

En canto aos postos baleiros dos mercados municipais de A Magdalena e Recimil, o edil Alejandro Langtry sinalou que eliminará o canon inicial que se debe aboar para a concesión dos postos así como o período de duración da mesma que pasará dos 20 aos 10 anos. Neste senso, destacou que a medida permitirá facilitar o emprendemento xa que só se deberán aboar a mensualidade. Esta proposta xa foi enviada a Contratación e se porán a disposición un total de 34 postos entre os dous mercados municipais, 18 en Recimil e 16 en A Magdalena.

E por último, o concelleiro de Economía e Facenda deu conta dos resultados derivados dos expedientes de inspección da taxa pola ocupación de dominio público polas entidades prestadoras de servizos de interese xeral. Isto refírese a empresas distribuidoras e comercializadoras de servizos básicos como electricidade, gas e telefonía fixa; e que deben aboar unha taxa de 1,5% ao Concello de Ferrol. Foron realizados un total de 83 expedientes de inspeccións, dos cales 23 son de distribuidoras eléctricas, 6 de distribuidoras de gas, 33 de comercializadoras eléctricas, 15 de comercializadoras de gas e 6 de telefonía fixa. Destes expedientes resultou unha liquidación a favor da Administración ferrolán de 489.546,17 euros, importe que xa está cobrado no seu 94,3%.