Ferrol recupera os paseos en barco pola ría ata Mugardos e o Castelo de San Felipe

A Concellería de Turismo do Concello de Ferrol, que dirixe María del Carmen García Fraga, retoma do 2 ao 5 de abril os paseos en barco pola ría coincidindo cos festexos de Semana Santa. O percorrido sairá do peirao de Curuxeiras ás 12:00,13:00,16:00,17:00,18:00 e 19:00 horas. A venda de tickets será no propio barco tendo un prezo de 7 euros -ida e volta- para adultos e sendo gratuíto para os menores de 5 anos.

Durante o mesmo período de tempo, tamén estará en servizo o paseo en barco dende Ferrol a Mugardos. O percorrido sairá da cidade naval ás 11:00,12:00,13:00,14:00,16:00,17:00,18:00,19:00 e 20:00 horas e os tickets poderán adquirirse no propio barco a un prezo de 3 euros por traxecto, sendo gratuíto para os nenos e nenas menores de 5 anos. As saídas para Ferrol dende Mugardos se realizarán cada media hora, entre as 11:30 e as 20:30 horas, agás ás 15:30 horas.

Ademais, entre os días 2 e 4 de abril, haberá viaxes en barco ao Castelo de San Felipe coincidindo cos días que hai visitas teatralizadas, saíndo a embarcación ás 17:00 horas o peirao de Curuxeiras. O prezo é de 6 euros ida e volta para adultos.