Dominio dos canoistas do Náutico Rodeira no Campionato de España

Este sábado disputouse o Campionato de España de Inverno sobre a distancia de 5000 m na cidade de Sevilla e a esta proba o Club Nautico desprazou aos 7 deportistas que obtiveron a súa clasificación.

Ao campionato asistiron máis de 1200 participantes entre todas as categorías e ao redor de 100 clubs de todo o territorio nacional.

De toda a participación do Club destacou o equipo de canoistas cadetes que deslumbrou sobre todos os demais, xa que dun total de 70 participantes clasificados na súa categoría, os 5 padexeiros clasificáronse entre os 18 primeiros conseguindo os seguintes postos:

David Barreiro ……………………………2º posición

Pablo Graña……………………………….5º posición

Felipe Martín………………………………13º posición

Santiago Parcero………………………..16º posición

Javier Pérez………………………………..18º posición

Con respecto á clasificación de clubs, o Náutico Rodeira logrou consolidarse entre os 10 mellores de España sendo o 4º galego.