Controlado o incendio forestal da parroquia de Fruíme

A Consellería do Medio Rural e do Mar informa do control do incendio forestal rexistrado no municipio coruñés de Lousame, na parroquia de Fruíme. O lume quedou controlado ás 18:23 horas de hoxe, tras iniciarse ás 14:03 horas. Segundo as últimas estimacións provisionais, a superficie afectada supera as 20 hectáreas. Nos traballos de extinción deste incendio participan 4 axentes forestais, 7 brigadas, 5 motobombas, 1 pa e 4 helicópteros.

A Consellería do Medio Rural e do Mar lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.