Cacharro será enterrado o luns en Lugo

O funeral polo falecemento do expresidente da Deputación de Lugo Francisco Cacharro terá lugar na tarde deste luns, día 9 de marzo, na Igrexa San Antonio de Padua, en Lugo. En concreto, a cerimonia relixiosa terá lugar ás 16,00 horas da tarde e, tras ela, o que foi presidente do ente provincial lucense entre 1983 e 2007 recibirá sepultura no cemiterio de San Froilán.

Ademais, tal e como informou a Deputación de Lugo nun comunicado, a partir das 18,00 horas da tarde deste domingo, a capela ardente situarase no Salón de Plenos da Deputación, onde estará aberta ao público. En concreto, Francisco Cacharro Pardo faleceu este domingo aos 78 anos de idade. O político lucense arrastraba problemas de saúde polos que permanecía ingresado no Hospital Polusa de Lugo.