Actividades de verán para a mocidade de Monforte

A concelleira de Xuventude do Concello de Monforte, Rosa Ana Somoza, informa que se atopa aberto o prazo para solicitar as Actividades de Verán 2015.

Estas actividades, ofertadas pola Consellería de Traballo e Benestar a través da Dirección Xeral de Xuventude e Voluntariado, diríxense a mozos e mozas con idades comprendidas entre os 18 e os 30 anos.

A oferta é variada, podendo optar por algunha destas actividades:

Cultura e camiño: coñecemento do patrimonio histórico cultural da zona de Lugo. Percorridos de etapas do Camiño de Santiago (Camiño Francés) ata Compostela.

O Mar de Galicia: coñecemento do medio mariño a través das actividades relacionadas co mar.

Cultura e camiño: coñecemento do patrimonio histórico cultural da zona de Ourense. Percorridos de etapas do Camiño de Santiago (Vía da Prata ou Sanabrés) ata Compostela.

Para máis información poden acudir á Oficina Municipal de Información Xuvenil deste Concello, situada nas Casiñas da Compañía, ou chamar ó teléfono 982 87 51 26. Ademais de informarse, na citada oficina tamén poderán xestionar a súa solicitude.