A ludoteca reabrirá as súas portas en Semana Santa

A ludoteca de acceso libre e gratuíto posta en marcha polo goberno municipal reabrirá as súas portas nos días laborables das vacacións escolares de Semana Santa, no seu horario habitual de 10.00 a 14.00 horas. Con esta iniciativa, da que xa fixeron uso máis de 1.500 nenos e nenas de Nigrán, o goberno municipal busca axudar a conciliar a vida laboral e familiar dos veciños, ao pór á súa disposición un servizo que mellora a súa calidade de vida a custo cero.