A Garda Civil detén aos supostos autores dun delito contra a saúde pública en Nigrán

Dentro do marco das actuacións que a Garda Civil vén realizando para a erradicación da venda e consumo de substancias estupefacientes na provincia, onte día 11, compoñentes do Posto Principal de Baiona procederon á detención de M.F.A., de 49 anos de idade e veciño de Nigrán e de V.L.A., de 36 e con domicilio en Gondomar, como supostos autores dun delito contra a saúde pública, venda de estupefacientes a pequena escala.

Os feitos sucederon cando os dous detidos, que se encontraban no interior do vehículo, marca RENAULT, modelo TRAFIC, supostamente, preparando a droga para a súa venda, ao decatarse da presenza da Garda Civil, fuxiron tras omitir os sinais de alto dos axentes, sendo interceptados pouco despois.

No rexistro realizado no interior do vehículo incautáronse 10 gramos de cocaína, 0’8 gramos de heroína, 0’63 gramos de marihuana, 915 euros en billetes fraccionados e unha báscula de precisión. Na fuxida desfixéronse de parte da droga ao botala pola xanela.

Na instrución das dilixencias e continuando coa investigación imputouse a F.S.A., de 51 anos de idade e a R.B.B., de 45, ambos os dous veciños de Nigrán, como supostos colaboradores no mesmo delito xa que cedían as súas vivendas para a venda da droga e, en momentos puntuais, axudaban na repartición dos estupefacientes.

Os detidos, que contan con antecedentes policiais, serán postos a disposición do Xulgado de Instrución número UN de Vigo, onde o farán os imputados cando para iso sexan requiridos.