A Asemblea de Movementos Sociais de Vigo condena os despedidos de Povisa

A coordinadora de colectivos, conformada por plataformas cidadás, partidos políticos e sindicatos de Vigo desexa expresar a súa firme condena á situación vivida polos 13 traballadores de Povisa dos que se quere prescindir (10 celadores e 3 de arquivo), ao tempo que se fai eco das as irregularidades e incumprimentos laborais que denunciou o comité de empresa, o cal chegou mesmo a promover unha folga de fame en contra deste mal chamado reaxuste que aparellaba ademais a reorganización de xornada doutros 26 traballadores. Por iso, o colectivo chama á mobilización urxente de todas as forzas políticas, sindicais e activistas e apoiará a manifestación convocada o 13 de marzo ás 20:00 na praza de España, na toda a cidade mostrará o seu apoio aos traballadores e reivindicará o mantemento do emprego de Povisa e a calidade asistencial.