UPyD ratifica as candidaturas e os programas electorais para Ferrol e Narón

A asemblea territorial de UPyD en Galicia ratificou por unanimidade as listas electorais e os programas cos que a formación se presentará nos municipios de Ferrol e Narón.

Os candidatos á alcaldía serán presentados o xoves 5 de Marzo en Santiago de Compostela, nun acto conxunto onde se presentarán os candidatos para as grandes cidades de toda Galicia.

Os programas electorais son idénticos para ambas as dúas cidades, pois como é xa ben coñecido, están baseados nun proxecto de fusión municipal entre Ferrol e Narón. Os devanditos programas, así como as listas electorais completas, serán feitos públicos nas próximas semanas en actos que organizará a delegación local de UPyD Ferrolterra