Un xoven de 17 anos resulta ferido con queimaduras no incendio da súa casa en Marcón

Un xoven de 17 anos resultou ferido con queimaduras no colo a consecuencia do incendio que afectou á súa casa, na parroquia pontevedresa de Marcón, e foi trasladado á Unidade de Queimados do Complexo Hospital Universitario da Coruña (Chuac). O lume orixinouse, segundo os primeiros indicios, de xeito accidental, nunha estufa de leña.

Unha dotación dos Bombeiros de Pontevedra trasladouse ao lugar ás 13,20 horas e durante aproximadamente 80 minutos traballou na extinción do incendio, localizado no comedor do inmoble, de planta baixa. Tras ventilarse a estanza, a Policía Científica trasladouse á vivenda para analizar os restos e determinar o motivo das lapas.

O mozo ferido, único ocupante da vivenda no momento do contratempo, foi socorrido pola Policía Nacional de Pontevedra, que tamén acudiu á chamada de emerxencia. As lapas non chegaron a propagarse ao carecer doutras edificacións próximas.