Un total de 390 persoas gozaron do Servizo de Teleasistencia Domiciliaria da Deputación de Pontevedra en 2014

Un total de 390 persoas gozou en 2014 do Servizo de Teleasistencia Domiciliaria da Deputación nos concellos de menos de 20.000 habitantes que participan no programa. Ó longo do ano producíronse 4.854 alarmas desde os terminais ou pulsadores/colgantes, que foron atendidas profesionalmente polos teleoperadores de Clece.

Os motivos das alarmas foron: petición de información (630 casos), autorevisión do terminal (616), probas de funcionamento (509), visitas de coordinación ou seguimento (365), falar un tempo (343), incidencias técnicas (287), comunicacións de ausencia ou regreso (227), emerxencias sanitarias (93), caídas (49), resolución de incidencias (38), emerxencias sociais (29), desinstalacións (20) e queixas (2).

A 31 de decembro están instalados 373 terminais de rede telefónica fixa e 3 de rede móbil. Todos teñen “protectores de tormenta” para asegurar o funcionamento en caso de tormenta.

Para a correcta prestación do Servizo de Teleasistencia instálase un terminal no domicilio do usuario a través do que se atenden as diferentes incidencias, na modalidade de “mans libres”, que se activa premendo un colgante/pulsador.

Durante o ano desenvolvéronse xornadas de convivencia con usuarios da zona: Sanxenxo (22 usuarios e 14 acompañantes), Tui (26 e 11), Agolada (8 e 6), Cuntis (11 e 6), A Cañiza (9 e 4), Mondariz (7 e 3), Bueu (8 e 3) e Mos (16 e 13).