TVE emite un documental sobre os viquingos rodado en Catoira
O espazo “La aventura del saber” de La 2 de Televisión Española emite este mércores, de 10 a 11 da mañá, un documental titulado “El legado de los vikingos”, que foi rodado en Catoira durante a semana da pasada Romaría Vikinga.
Entre o 31 de xullo e o 4 de agosto do pasado ano desprazouse a Catoira un equipo de TVE para rodar diversas escenas, paisaxes, recreacións, entrevistas e actividades da Romaría Vikinga de Catoira. No documental recóllense intervencións de numerosas persoas de Catoira relacionadas coa Romaría, así como entrevistas a especialistas na temática vikinga.