Trabanca Sardiñeira, A Tomada e Bamio sufrirán un corte de auga durante como consecuencia das obras do ave na mañá do luns

A empresa concesionaria do servizo de auga potable, Espina e Delfín, executará o luns, 9 d efebreiro, o traslado da condución de subministro entre a Rúa Nova da Caldihuela e o Camiño Real de Trabanca. Os traballos son consecuencia das obras de construción da liña da alta velocidade ferroviaria. Para poder realizar a obra, é preciso cortar a auga entre as 9 e as 14 horas, medida que afectará aos usuarios das zonas de Trabanca Sardiñeira, A Tomada e Bamio.

O corte total do subministro só se rexistrará nas tres zonas mencionadas, aínda que é posible que os usuarios da Avenida Rosalía de Castro e de Carril poidan notar presión inferior á normal durante o período de realización das obras.

Os traballos a executar consisten no traslado de dous tramos de tubería de fundición de 200 milímetros de diámetro que teñen que ser variados entre a rúa Nova da Caldihuela e o Camiño Real de Trabanca. A obra realizarase en dúas fase. A primeira, a do luns pola mañá será á de execución dun dos dous novos puntos de entronque. O segundo realizarase en vindeiras datas, para o cal se informará previamente.