Orozco mostra a súa confianza total na inocencia de Pachi Vázquez

O alcalde de Lugo, Xosé López Orozco, dixo este venres que confía “totalmente” na “inocencia” do exsecretario xeral do PSdeG Pachi Vázquez, que esta mesma semana tivo que comparecer ante o Tribunal Superior de Xustiza de Galicia (TSXG) en calidade de procesado por un suposto delito de prevaricación continuada.

“Confío totalmente na inocencia de Pachi Vázquez”, remarcou, preguntado polos xornalistas durante un acto de entrega de diplomas dun curso para persoas inmigrantes extracomunitarias.

Con todo, o rexedor lucense, que presidiu o PSdeG na última etapa de Pachi Vázquez, deixou claro que “as normas do partido están para cumprilas”, de modo que debería dimitir en caso de ser finalmente sentado no banco.