O novo regulamento de cemiterios entra en vigor tras non presentarse ningunha alegación

O novo Regulamento de Cemiterios Municipais entrou en vigor hoxe tras ter transcorrido o prazo de trinta días de exposición ao público sen que se tiveran producido alegacións. O texto publicouse no Boletín oficial da Provincia de onte, co que se rematou a tramitación dando por definitiva a súa aprobación.

O novo Regulamento de Cemiterios substitúe ao antigo texto que se estaba utilizando e que databa dos anos oitenta, polo que quedara obsoleto e non se axustaba ás necesidades e realidade actuais. O goberno local decidiu redactar un novo regulamento para actualizar os contidos e, especialmente, para adaptalo ao regulamento de Policía Sanitaria Mortuoria en relación aos temas de inhumacións, exhumacións e traslados.

No Pleno de outubro, no que o documento se someteu á aprobación inicial da Corporación, os tres grupos da oposición manifestáronse en contra do novo texto, anunciando incluso que presentarían alegacións, algo que finalmente non fixeron, polo que o Regulamento entra hoxe en vigor.