O mércores finaliza o prazo para inscribirse no concurso do Xoves de Comadres en Monforte

Ás 14:00 h do mércores día 11 de febreiro remata o prazo para inscribirse no concurso do Xoves de Comadres, organizado pola delegación de Cultura dentro dos actos do Entroido 2015 en Monforte. As solicitudes de inscrición para a participación no concurso presentaranse no Rexistro Xeral do Concello de Monforte, podendo anotarse, segundo o caso, nas seguintes convocatorias:

– centros de ensino

– parroquias, barrios e rúas do Concello

– Individuais

En cada un destes tres apartados establécense dúas modalidades: colectivo e individual. 

Nas convocatorias de centros de ensino e individuais, tódalas Comadres inscritas concentraranse na Praza de España ás 17:30 h do xoves día 12, onde se darán a coñecer os premios e se procederá á queima das monecas. 

Na convocatoria de parroquias, barrios e rúas do Concello, as comadres inscritas

colocaranse nos lugares elixidos polos participantes dende a primeira hora da mañá. O xurado visitaraas ata as cinco da tarde e dará a coñecer o resultado ó mesmo tempo que o da convocatoria de centros de ensino e individuais.  

PREMIOS (por convocatoria): 

Individuais                                

1º premio  65 €

2º premio 35 €

Accésit 18 €

Premio á etnografía   100 €

Colectivos

1º premio  95 €

2º premio 65 €

Accésit 30 €

Premio á crítica social   100 €

Dende a concellería de Cultura anímase á veciñanza a continuar coa tradición das Comadres, ben sexa participando no concurso organizado polo Concello ou á marxe do mesmo.