O goberno de Vigo ten en marcha máis de 80 obras de humanización por toda a cidade

PUBLICADO EN: Noticias de Galicia ► Vigo ▼
A-
A+
Caballero na visita ás obras de Doctor Canoa

Caballero na visita ás obras de Doctor Canoa

As obras de mellora de Doctor Canoa, cun orzamento de preto de 250.000, estarán rematadas nun prazo de 4 meses. Segundo explicou esta mañá o rexedor nunha visita a estes traballos, na actualidade hai máis de 80 humanizacións en marcha por toda a cidade.

O rexedor visitou hoxe martes o avance da humanización da rúa Doctor Canoca, cun orzamento de case 250.000 euros e un prazo de execución de catro meses. Tal e como detallou, trátase dunha superficie de actuación de 1.116 kilómetros na que se mellorará a rede de abastecemento, coa incorporación de novas bocas de rego e hidrantes. Tamén se colocará rede de saneamento de pluviais para obter unha rede separativa de saneamento. A rúa contará con nove novas luminarias, papeleiras, bancos, arbolado e zonas verdes axardinadas. Ademais, tamén se instalarán elementos de eficiencia enerxética, con lámparas de vapor de sodio de alta presión.

En declaracións aos medios, o rexedor indicou que hoxe comezou a humanización de María Berdiales, lembrando que a partir do xoves 12 arrancarán na terceira fase de Aragón, así como as primeiras fases de Gregorio Espino e Gerona. Respecto da afección das obras na circulación pola cidade, Caballero constatou o peche ao tráfico de Camelias, así como restriccións en Rosalía de Castro e María Berdiales.

Nestes momentos, precisou, o Concello ten en marcha máis de 80 obras por toda a cidade, entre as que destacou: García Barbón (entre Serafín Avendaño y República Argentina); Rosalía de Castro (entre Canceleiro e República Argentina); Camelias (fase 3, entre Plaza América e Plaza Independencia); Toledo e o seu contorno; Santa Mariña; Pedreira (fase 2); Subida á Madroa ; Manuel Costas Bastos; Subida a Mouteira; Seixo; Sampaio Roteas, Abaixo e Subida, Gandarón, Camiño Fermín y Bagunda; Camiño Fondo; Doctor Canoa; Coutadas; accesos ao pavillón de Coruxo; Camiño Gándara; Atlántida; Estrada da Balsa; rúa Bravo; Camiño Oia; Rozo; rúa Eira Vella; Subida a Rola; Estrada Marco; Camiño Pinguela; San Cosme; Alonso Ojeda; Martínez Garrido; Baixada a Rios; Doctor Corbal; Estadio de Balaídos; cuberta Escaleras mecánicas; Ramón Nieto, (frente ao mercado); Saa; Juan Ramón Jiménez; Pazos Entronque; Hispanidad; Avda Castrelos e Baixada Mestre Chané.

10 de febreiro de 2015 | 17:23 • Sen comentarios

Comentarios pechados.